回男家篇

回男家篇

我地出發啦，時間都好準時，因為兄弟姊妹好幫手，將花車同物資都已經搬哂上車，我地可以好快就開車。阿ROY係車頭幫我地三個影相，我地架車真係好型啊! 去到東濤苑樓下，我心情好興奮，因為我帶左魚魚番黎啦! 我落車幫魚魚拉門，根住就上去啦! 上到去好熱鬧，SBB親戚都到係到。FBB五嬸幫我地沖茶，SBB媽咪就派禮是。因為我地個廳好多野，都唔係好夠企。根住就到我地敬茶啦，我見到爸爸媽媽飲我地的茶，好開心和感動，SBB媽媽仲笑得好開心TIM，SBB媽媽幫魚魚戴豬牌、龍鳳鈪、介子同頸鏈! 根住大家影相，錫錫，妹妹同傑傑都有一起影相! 至於其它親戚就冇影相，話去到酒樓先!

大家都好開心，根住落黎就係影相時間，兄弟姊妹都有一起影，我地有D兄弟就落去幫手搬野落去，攝影師都落左去休息。根住SBB同FBB就食飯，真係好簡單，食生菜同魚，應該係SBB媽媽煮既，好清淡。SBB就仲未定神下來，唔係好食得落，可能朝早食面包食得太飽。FBB就好落力甘食，佢話佢好肚餓，哈哈。我地食完都未到10:30，FBB既補妝師未黎，我就叫佢地入媽媽間房換婚紗。根住WINKY黎左，佢地就開始化妝，SBB就換白色禮服，但係有一隻白襪唔見左喎!SBB其實今朝都揾唔到袖口鈕，激死SBB。後尾借左傑傑的一對白襪JA! 我換左衫出黎，大家都嘩!不過SBB冇咩反應，因為我仲想打點下!

落到樓，就諗住叫阿TIM佢地去左HKU先，因為佢地可以佈置下HKU先，我地準備左D POSTER幫佢地指示D賓客，但係D POSTER都揾左好耐先擝到，佢地可以出發先。點知下面原本有兩架的士，有一架等左好耐已經走左，有一架就未走，不過個的士佬話好嬲，已經等左30分鐘。我就安排左FIONA、PATRICIA同另一個FIONA坐左阿TIM架車，根住小毛就帶住爸爸同另外三個SBB親戚上左的士先。上番樓，FBB佢地都差唔多化好，我見係11:15AM仲有時間，所以就叫WINKY幫我簡單化下妝，因為今朝SBB太博命甘”替蘇”，整損左嘴唇上面，大家都準備走緒啦，妹妹話都係唔好帶阿寶，雖然係有D可惜，因為佢原本諗住帶架，不過後尾都冇帶，因為有D麻煩。架28座都夠坐，雖然有D位放左物資，時間早左，11:25AM就可以出發，天氣好好，去HKU證緍啦!