接新娘篇

接新娘篇
 
我地一行九人浩浩蕩蕩上到輝林樓26樓，SBB攞住花仔去到FBB家門口。見到Queenie同其它姊妹係門口到掛左一條紅繩，但其實好容易就可以撞入去，因為鐵閘並沒有上鎖。我地係門外到擾壤左一陣，兄弟(以小輝首就叫99)，姊妹就叫9萬9，都幾有氣氛，之後就到貨幣之爭，賤仔叫YEN，SBB就叫WON，後尾我就攞左個信封出黎，姊妹見都幾厚都OK，雖然佢地話要加D，但我地冇理佢就入左去。
 
入到去，小毛話第一個GAME係玩芝麻同CREAM。兄弟包括阿ROY，傑傑，宗和小輝都有玩，每人抽一張牌做番個公仔出黎，兄弟門都好落力和爽快，成塊面質落去，大家好鬼興奮，因為個個變哂胡蘇佬。到我，原本係要做I love you, naomi，不過好彩錫住我個樣冇玩。第二個GAME係有一對公仔用紅繩縛住，然後阿欣將對公仔拋落地下，要兄弟門做番個動作出黎，開頭阿TIM、蔡仔、賤仔做番個動作都冇問題，但係最後由傑傑做出一個將腳放向頭的動作好難，大家都啞左，我就叫傑傑做，阿魚就搏哂命甘”咬”傑傑隻腳，後尾都過到關，好好笑。最後就由SBB讀出愛的宣言，當讀到俾哂D錢FBB既的時候，大家都好起哄，不過我中間就有D讀得唔係甘順，哈哈!
 
FBB出黎啦，我心跳左一下，因為係我今日第一眼見魚魚，佢著住褂真係好靚! 魚魚爸爸將魚魚的手交俾我，然後好語重心長甘同我講，叫我以後唔准蝦佢。兄弟姊妹呢個時候就收利是同搬物資，我就同魚魚拜神。之後到左敬茶的環節，我地將茶俾魚魚爸爸同媽媽飲，魚魚爸爸再次叮囑SBB要對FBB好，魚魚五嬸就做大氹姐。SBB喂魚魚媽媽同FBB食蓮子，之後就戴金器，因為魚魚媽媽都借左佢既兩對龍鳳鈪俾我地戴，所以真是好多金戴左好耐。之後我地影合照，盈盈同阿欣都有影。
 
出門啦，我拖住魚魚既手仔，一起行個條感覺好長的走郎，我地刻意行慢D，感覺好ENJOY。但是最感動的，都是要數魚魚爸爸用口琴吹的一首歌給FBB，雖然我唔記得首歌，但是首歌包含左魚魚爸爸對女兒出嫁的不捨，我都感動到眼仔濕濕。大家都好靜甘聽，因為每次生日的時候魚魚爸爸都會吹口琴，但今次感覺好唔同，魚魚爸爸和媽媽和我們揮手，LIFT門關上了，有點唔捨得佢地。
 
盈盈攞紅傘，五嬸就撒米，但係把傘柄斷左喎，不過唔緊要既。落到樓，我地見到兄弟同姊妹已經準備就緒，佢地攞住手機係甘同主花車倫敦的士影相。我覺得架車佈置得好靚，影左好多相，做左好多好型的POST，開車啦，阿ROY坐前面，SBB、FBB同盈盈就坐後面，出發去東濤苑!