結婚上頭篇

上頭篇
2011年11月12日晚上十點，SBB係屋企pack緊野，再對下rundown，其實都已經check左好多次，不過有d緊張所以再睇多次，媽媽話我好緊張，爸爸就係出面同d親戚傾計，屋企黎左好多人，好熱鬧，仲有傑傑，妹妹，牛頭姑，大姑媽，佳鵬兩夫婦，細姑媽大仔兩夫婦，仲有兩三個公平親戚。之後我地就將d喜字貼起，同埋將個對聯貼起，SBB就去左沖個綠油葉涼。沖完涼我就著左全身的紅色衣服，大家見到即刻起拱，同埋情緒高漲起來，因為到左上頭既的時間啦! 有fbb媽咪的幫忙，我地既準備十分充足! sbb就安排左11:15pm開始，fbb就11:30pm開始，因為新娘要遲新郎15mins! 但係因為煮湯丸有d延誤，sbb都要同魚魚講話遲10分鐘先開始，因係新戚好有心甘幫我地自己做湯丸!我地有既物資包括上頭剪刀、鏡、梳、龍鳳餅、嫁女餅、龍鳳觸等等。

正當要開始的時候，我發覺我唔記得左好命婆係用邊一把梳同我上頭! 根住sbb就即刻打俾fbb，fbb媽咪就睇住本婚嫁天書，因為sbb家中冇一個人識點做，公平同香港的習俗好唔同! 後尾就知道用木骨梳，而牛頭姑就講:一梳梳到尾，二梳梳到白髮齐眉，三梳梳到兒孫滿地！……呢個時候妹妹佢地都有用iphone錄低過程! 到最後禮成的時候大家都拍手掌，我覺得好開心，因為見到大家的笑容是好真摯的，佢地都好鄧我開心!不過其實我有d覺得拍手掌唔係好match，因為中式儀式是好少會拍手掌的，但是唔緊要啦，sbb屋企習俗上比較casual…哈哈。我食左幾粒湯丸、幾粒糖蓮子、幾粒紅棗，根住就等左一陣，因為要等龍鳳觸燒哂!我12點度就番左房訓，因為第二朝要5:30am要起身，但係我個腦仔係甘諗住要迫自己訓，反而訓唔到! 後尾傑傑1am入黎先訓，但係佢都早過我訓著，fbb仲sms俾我話佢訓啦，叫我relax d,我就諗住老婆魚魚BWAY，有左魚魚力量同鼓勵後，我就唔似考cfa個晚甘，就係1:30度就訓著左。