美心篇

美心篇

到左正式開席的時候啦，SBB同FBB都換左白色禮服同緍紗仔，係進場之前，ada同我地講左d reminder的說話，例如我要點樣錫fbb等等，同埋俾左張紙巾仔我，但係sbb都係有d緊張，所以唔係好幾得d錦囊啦，但係就記得ADA話:Good Show! 到進場啦，首先就是伴郎roy同伴娘盈盈兩個繞住手進場，但係好似少左一個姊妹，所以total是有七pair進場既，SBB同FBB就最後先入場，有Spotlight照住都幾有型，我地就好似下午係hku入場的時候甘微笑同揮手，大家都好開心甘笑同拍手掌。

上到台，就輪到要致謝詞。其實SBB同FBB之前都有討論過多謝爸媽，賓客同兄弟姊妹的，都有同Tony同Ada傾過，但係SBB上到台之後，真係都幾緊張，差唔多D野都唔記得同亂哂! 我首先竟然是多謝左我屋企人先! 雖然我知道衰左，但係我都好深情甘多謝爸爸媽媽，佢地好俾心機甘養大左我地三個，雖然你地好辛苦，但係我相信以後我地會好好的，所以好多謝佢地，根住我就多謝FBB爸爸媽媽，佢地將FBB養大食一個好温柔，好細心的人，我會好好甘對FBB，唔駛擔心。最後我就多謝FBB，佢雖然成日都好擔心我的健康同飲食，但係以後唔駛擔心啦，sbb會照顧自己，同埋FBB會照顧SBB的！我都是唔記得左多謝兄弟姊妹。 到FBB致謝詞，佢冇準備到稿，但係佢講得好流暢，雖然我地兩個都冇喊，但係我地都好感動架! 根住我地就合緊交杯，我地兩隻BWAY練過好多次，所以冇問題。最後就是祝酒儀式，大家都舉起酒杯，CHEERS!

到左食乳豬啦，FBB揀個首好興奮的乳豬歌好適合! 我地就敬左二伯、大姑媽、細叔細嬸、佳鵬夫婦每日一杯! 爸爸坐左係我隔離，媽媽就再隔離，到妹妹，傑傑(仲記得妹妹send左個sms話佢冇禮物送俾我地佢有d遺憾，同埋會過年後送番，其實都唔緊要啦，你生性d就得啦)。食完第一道菜，魚魚就要入去換敬酒衫，SBB就入去換黑色禮服。SBB提早換完衫，甘就先出番黎，呢個時候就播相識小電影!雖然播呢段小電影有好多人都讚，但係其實有好多親戚都冇睇，係下午的時候氣氛好d! FBB真係好有心思，佢整既Menu、Table Stand，同Floor Plan，有好多人都有Tag同影相，佢地都好欣賞FBB的Effort!

到第四道菜的時候，我地一起睇番早拍晚播，大概有三分鐘到。其實SBB都覺得幾開心，因為睇番一日的成果，MC Tony就話問過d兄弟話今朝d遊戲都唔難，睇番今日我地真係玩得好開心，仲有d唔捨得tim，魚魚話佢好唔捨得呢一日。雖然Fbb話段早拍晚播有d求其，不過SBB都覺得好ok，魚魚啊，係阿，我地籌備結婚仔用左一年半的時間，好努力，但係我地既努力就係一日之內全部完成並展現係我地面前，真係感覺覺得好奇妙，唔知點形容個種唔捨得的感覺。

到上翅後，就是敬酒的時候，SBB同FBB都有繞場一周，大家都有祝賀我地，好開心，我地總共擺左三十圍，係FBB音樂的陪同下，我地的敬酒團都好開心，大家都根係後面敬酒，雖然我地飲的唔係真的酒，係假的，但係都冇人隊我。有人想隊爸爸，但係sbb爸爸都克制住唔飲，都算佢啦。SBB的二伯就同FBB爸媽講，佢話你放心啦，呢個女婿好好的，佢唔同其它人，我係睇住佢由細到大的，係由sbb媽媽同妹妹講俾sbb聽的，因為佢地話二伯勁擦鞋，佢地好笑得好開心喎!最後敬酒呢，就係係主家席，SBB爸媽同埋妹妹傑傑都有一起敬FBB爸媽佢地一家人，好warm! 後來呢，SBB諗自己好似唔夠social，其實我應該周圍揾d人傾下計，同埋邀請埋sbb的莊友上黎影相，因為漏左佢地:p

接下來呢，SBB就開始緊張啦，因為FBB佢去左換衫，SBB就要準備唱歌同埋講野。甘呢MC Tony就係呢個時候玩左兩個遊戲喎，佢玩左Photohut同埋估物件，我地準備左20封$20的禮是仔，但係Tony帶的氣氛都好好喎，大家都好踴躍甘舉手，差唔多係每一圍都有機會答，大家情緒都好高漲，睇黎個遊戲ok喎! 跟住呢FBB就出黎啦，之前Tony問我，佢話我唱歌係係個位到低調甘出黎，定係係門口度高調甘行入黎，甘我因為有d緊張，所以揀左低調的方法。正當sbb苦惱緊等陣要講咩的時候，Tony話細心的FBB有一個特別的環節送俾SBB，就是佢慢慢進場唱歌俾SBB聽，佢唱Close to You JM! 呢首歌係魚魚係比賽度唱架，就好似sbb第一年同fbb過生日的情景突然間出番哂黎，好感動! FBB佢好淡定甘一步一步甘行入黎，仲唱得好好tim，佢問SBB記唔記得首歌，我緊係記得啦! Tony話，係呢個時候SBB的Surprise Session黎啦，就係我SBB version的小電影，有超過10位FBB的親朋戚友錄既祝賀說話，FBB都一度睇一度笑，就好似SBB係表白個日甘，FBB都是好興奮!

到最後SBB多謝完FBB後，就是SBB唱歌的環節啦，我唱蘇永康的我發誓以後JM，因為FBB話好鐘意呢首歌!其實FBB佢係冇諗過我會唱呢首歌架，佢知道SBB有個surprise session，因為佢睇到小明的whatsapp message，所以佢先唱歌，但係其實SBB呢首歌都冇咩練過，所以中間都有甩左，唱唱下停左，爭d仲呃埋Tony，佢想講野以為SBB唱完，但係未喎，呢個時候SBB就同FBB跳舞仔，不過有d緊張，我地唔記得左上台仔度跳，有d人都睇唔到，同埋我就跳basic steps，FBB就跳cha cha，所以唔記得左要轉圈仔喎，哈哈，但係都有意思架，因為我識fbb係由跳舞開始的，所以我地的緍禮里面都要有跳舞呢一part!到我致謝詞的時候，我就話，既然我地都甘鐘意唱K，甘以後就唱多D啦，多謝你阿老婆Bway!

差唔多散席啦，我地見仲有少少時間，就想去每一圍度影下相，不過都唔係好齊人，反而就是台上面比較混亂，爸爸的親戚朋友都上左台，我諗個度有100人都有，後來我地就同佢地影左張相，SBB爸爸同媽媽有係個個時候有d小爭執，sbb爸爸話叫媽媽番黎，媽媽都冇理佢，爸爸問妹妹幾時結緍，妹妹亦都冇理佢。但係佢地都算幾錫sbb，所以都好克制。影完個幅相，有d賓客己經開始走，因為第二日是星期一要番工，我地就衝去出口度送客，因為fbb話有少少遺憾送唔哂d客人。雖然有d人妤似醉左，但係都係開心既。兄弟姊妹都話今日好smooth，好開心，多謝你地啊!

到最後Pack野同埋找數啦，所有野都好smooth，SBB可以如釋重負啦，好開心但緊張的一天終於快要過去，我地走的時候都好多謝兄弟姊妹的幫忙，兄弟就搬野番將中貝殼仔，媽媽傑傑同姑媽都搭的，妹妹就去幫手招呼佳鵬佢地。有好多祝賀的信息未回，我地都好攰甘去左灣仔novotel酒店，去到啦，執下衫pack下野，好彩d野大部份都係到，係有d地方有少少問題，但係都問題不大，雖然最後都成三點幾先訓，但係我地都成功甘….HEA HEA…YUI YUI力量!