貝殼

Sugar，魚魚同銳銳既容身之所就係貝殼仔，sugar同魚魚漂浮左26年，唔要再係個海度飄飄下，於是要搵個貝殼仔哩埋甜甜。
貝殼仔已經收左三個星期，sugar同魚魚個個星期五都去貝殼仔度生活，上星期五，我地去坑口食好耐無食既和花廷，然後去新都城睇燈飾，我好中意既水晶燈，以前無唸過會買，但係我真係好中意，於是SBB都陪我睇。見到D水晶燈有好多顏色，白色，黑色，茶色，不過標價好貴，要$3xxx，差不多4千。
睇完燈飾，我地徒步走返去貝殼，用左差唔多40分鐘，不過，雖然SBB好累，我就覺得好甜甜啦，如果以後星期六甘自由既晚上都可以同sugar bb慢慢散步返屋企，就好啦～

星期一返工好累，於是放工我又自己一隻baby去左探貝殼仔，我開始掌握296M既時間，通常5:45, 5:55都會有車，上車15分鐘就可以去到尚德，再行5分鐘同等5分鐘電梯就可以啦。
上到貝殼仔，第一時間打俾sugar baby示威，俾佢聽下貝殼回音，SBB通常都哈哈大笑，陪我講一陣電話。
然後6︰45前我就要返屋企啦，唔捨得都無辦法...

我好想快d裝修，等貝殼仔可以真正成為baby仔既貝殼...
我好想要梳粧台呀...